गडहिंग्लज (प्रतिनिधी): महागाव (ता. गडहिंग्लज) येथील संत गजानन महाराज आयुर्वेद महाविद्यालयाला आयुष मंत्रालय भारत सरकार व आयुर्वेद शिक्षण आणि संशोधन संस्था जामनगर (गुजरात) यांच्या संयुक्तरित्या आयोजित केलेल्या राष्ट्रीय लघुपट स्पर्धेत तृतीय क्रमांक मिळाले.
या महाविद्यालयाच्या विद्यार्थिनी श्वेता येडवे यांनी दिग्दर्शन केलेले 'आयुर्वेदातील सध्याच्या काळातील विरुद्ध आहार' या विषयावर दहा मिनिटांचा लघुपट निर्मिती केली होती. यामध्ये कलाकार म्हणून पुष्पांजली हाडें, कांचन चव्हाण, गौरी शिंदे, समीर शहा, साबीर शेख, निसार शहा, अमोल गायकवाड,संकेत कुंभार, अनंत पाटील, निखिल माकोडे, सिमरन मगदूम या विद्यार्थ्यांनी भूमिका केली आहे. या स्पर्धेत देशभरातून 173 हून अधिक महाविद्यालयाने सहभाग घेतला होता. त्यातून या निर्मितीला तृतीय क्रमांकाचे बक्षीस मिळाले.याबद्दल विद्यार्थ्यांचे सर्वत्र कौतूक होत आहे.
याकामी प्राचार्य डॉ. मंगल मोरबाळे, डॉ. माधव पठाडे, डॉ. प्रीती रावळ, डॉ. शर्मिली पाटील यांचे मार्गदर्शन मिळाले..
