कोल्हापूर जिल्ह्यात पावसाची उघडीप; पंचगंगेची पाणी पातळी स्थिरावली पूरबाधितांना दिलासा

जिल्ह्यात गेल्या चोवीस तासात 16.5 मिमी पाऊस

गगनबावडा तालुक्यात सर्वाधिक 50.8 मिमी पावसाची नोंद

कोल्हापूर :  कोल्हापूर जिल्ह्यात सकाळपासून पावसाने उघडीप दिली असल्यामुळे  पंचगंगेची पाणी पातळी स्थिरावली असून यामुळे पूरबाधितांना दिलासा मिळाला आहे. जिल्ह्यात गेल्या चोवीस तासात 16.5 मिमी पाऊस झाला असून गगनबावडा तालुक्यात सर्वाधिक 50.8 मिमी पावसाची नोंद झाली आहे. नैसर्गिक आपत्ती विषयी जिल्हा प्रशासनाकडून दैनंदिन अहवाल प्रसिद्ध करण्यात आला असून 21 ऑगस्ट 2025 रोजीच्या सकाळी 10 वाजेपर्यंतचा अहवाल पुढील प्रमाणे आहे.

जिल्ह्यात गेल्या 24 तासात पडलेला एकूण पाऊस मिमी मध्ये पुढीलप्रमाणे - हातकणंगले- 8.5 मिमी, शिरोळ -5.1 मिमी, पन्हाळा- 25.8 मिमी, शाहुवाडी- 19.1 मिमी, राधानगरी- 38.8 मिमी, गगनबावडा- 50.8 मिमी, करवीर- 10.1  मिमी, कागल- 10.1 मिमी, गडहिंग्लज- 12.7 मिमी, भुदरगड- 16.7 मिमी, आजरा- 25.9 मिमी, चंदगड- 16.6 मिमी असा एकूण 16.5 मिमी पाऊस पडल्याची नोंद आहे.

वाहतूक स्थिती: रस्ते वाहतुकीबाबत अहवालानुसार जिल्ह्यातील राष्ट्रीय महामार्ग सुरु आहेत. राज्यमार्ग 10 बंद झाले आहेत. प्रमुख जिल्हा मार्ग 39 बंद, इतर जिल्हा मार्ग 14 आणि ग्रामीण मार्ग 30 असे एकूण 44 रस्ते  बंधाऱ्यावर, रस्त्यावर पाणी आल्यामुळे बंद आहेत. बंद असलेल्या मार्गासाठी पर्यायी मार्गावरुन वाहतूक सुरु आहे.