रक्त, लघवी, थुंकी, थायरॉईड व हार्मोन्स आदी तपासण्या होणार एकाच छताखाली
गंधनवाले परिवारामुळे तेरणी पंचक्रोशीतील रुग्णांची झाली सोय
गडहिंग्लज (प्रतिनिधी) : तेरणी (ता. गडहिंग्लज) येथे साकिब राजेसो गंधनवाले व फिजा सुलतान सनदी यांनी नव्याने सुरू केलेल्या 'स्मार्ट क्लिनिकल लॅबोरेटरी'चे उदघाटन गावातील विविध मान्यवरांच्या उपस्थितीत करण्यात आले. या लॅबोरेटरीमध्ये रक्त, लघवी, थुंकी, थायरॉईड व हार्मोन्स आधी सर्व प्रकारच्या तपासण्या अल्पदरात एकाच छताखाली उपलब्ध झाल्या आहेत. यामुळे तेरणी पंचक्रोशीतील रुग्णांची सोय झाल्याने समाधान व्यक्त होत आहे.
प्रारंभी सर्व मान्यवरांचे स्वागत साकिब गंधनवाले व राजेसो गंधनवाले यांनी केले. त्यानंतर संगमेश्वर सेवा संस्थेचे अध्यक्ष आण्णासो देसाई यांच्या हस्ते फीत कापून लॅबोरेटरीचे उदघाटन करण्यात आले. त्यानंतर श्री लक्ष्मी मातेच्या प्रतिमेचे पूजन उपस्थित मान्यवरांच्या हस्ते पार पडले. यावेळी उपस्थित सर्वच मान्यवरांनी तेरणी या ठिकाणी अशा लॅबोरेटरीची गरज होती. यामुळे तेरणीसह बुगडीकट्टी, कवळीकट्टी, मनवाड, नरेवाडी या परिसरातील रुग्णांची सोय झाल्याचे सांगून समाधान व्यक्त करत गंधनवाले कुटुंबीयांचे आभार मानले.
यावेळी अण्णासो देसाई, डॉ. श्रीधर बेळी, करवीर इंगवले, सरपंच रमेश पुजेरी, माजी सरपंच करवीर उथळे, सेवानिवृत्त शिक्षक मल्लाप्पा भंगारी, शिक्षक बसीरअहमद करीमगोळ, मुख्याध्यापक अब्दुसलाम बेहस्ते, जब्बार मुल्ला, करवीर नंद्यापगोळ, शिवाजी देसाई, भीमगोंडा अगसगी, शिक्षक मल्लिकार्जुन यादगुडी, सुनील कांबळे, दिलावर साबखान, नजीरअहमद करीमगोळ, रवींद्र इंगवले, भूषणबाबू इंगवले, रियाज जमादार, पोस्ट मास्तर करवीर नावलगी, इमाहुसेन जकाती, बसवंत फडके, करवीर भोई, विनोद अगसगी, इम्रान देसाई, नबीलाल नेसरी, अल्लाबक्ष नेसरी, आजरा येथील सिद्धी लॅबचे सुहास सुतार यांच्यासह इतर मान्यवर उपस्थित होते. लॅबोरेटरी सुरू करण्यासाठी आजरा येथील डॉ. इंद्रजीत देसाई यांचे सहकार्य लाभले. दरम्यान, डॉ. एम. एस. पाटील व डॉ. कपिल पाटील यांनी लॅबोरेटरीला भेट देऊन साकिब गंधनवाले यांना शुभेच्छा दिल्या.
