१० मे रोजी मतदान तर १३ मे रोजी मतमोजणी
नवी दिल्ली : कर्नाटकातील विधानसभा निवडणुकीचे बिगुल वाजले असून १० मे रोजी मतदान तर १३ मे रोजी मतमोजणी होणार आहे. केंद्रीय निवडणूक आयोगाच्या आज सकाळी ११.३० वा. झालेल्या पत्रकार परिषदेत केंद्रीय मुख्य निवडणूक आयुक्त राजीव कुमार यांनी निवडणूक प्रक्रियेची घोषणा केली. या पत्रकार परिषदेला आयुक्त अनुपचंद्र पांडे आणि आयुक्त अरुण गोयल हे उपस्थित होते. आज बुधवारपासून राज्यात निवडणूक आचारसंहिता लागू झाली आहे.
निवडणूक कार्यक्रम 👇
मतदानाची तारीख : १० मे २०२३
मतमोजणीची तारीख : १३ मे २०२३
अर्ज दाखल करण्याची शेवटची तारीख : १३ ते २० एप्रिल २०२३
अर्ज मागे घेण्याची अंतिम तारीख : २४ एप्रिल २०२३
गेल्या वेळेप्रमाणे यावेळेसही कर्नाटकात एकाच टप्प्यात मतदान होणार आहे. अलीकडेच मुख्य निवडणूक आयुक्त राजीव कुमार यांनी निवडणूक आयोगाच्या अधिकाऱ्यांसोबत निवडणूक तयारीचा आढावा घेतला होता.
