गडहिंग्लज (प्रतिनिधी): महागाव (ता. गडहिंग्लज ) येथील संत गजानन महाराज मल्टीस्पेशालिटी हॉस्पिटलमध्ये आता मेंदूविकार रुग्णांवर निदान व उपचार होणार आहे. त्यामुळे रुग्णांना सोय होणार आहे.
प्रसिद्ध मेंदूविकार तज्ञ डॉ. सागर जाबिळकर हे दर शुक्रवारी रुग्ण तपासण्यासाठी हजर असणार आहेत. यामध्ये मेंदूच्या गाठी व रक्तस्त्राव, मणक्याचे विकार व गाठी, फिट व रक्तवाहिनीच्या अन्य विकारावर उपचार व शस्त्रक्रिया महात्मा फुले जनआरोग्य व कर्नाटकचे सुवर्ण आरोग्य सुरक्षा योजनेतून मोफत होणार आहे. तरी रुग्णांनी याचा लाभ घ्यावा असे आवाहन डॉ.यशवंत चव्हाण यांनी केले आहे.
