गडहिंग्लजमधील हाळलक्ष्मी नगरमध्ये रस्त्यावरील दिवाबत्तीची सोय करण्याची मागणी

नागरिकांचे मुख्याधिकाऱ्यांना निवेदन

गडहिंग्लज: मुख्याधिकारी स्वरूप खारगे यांना निवेदन देताना एस.आर. कांबळे, चंद्रकांत सावंत, संजू रोटे.      (छाया: मज्जिद किल्लेदार)

गडहिंग्लज (प्रतिनिधी): येथील हाळलक्ष्मी नगरमध्ये रस्त्यावरील दिवाबत्तीची सोय करावी अशी मागणी गडहिंग्लज नगरपालिकेचे मुख्याधिकारी स्वरूप खारगे यांच्याकडे येथील नागरिकांनी निवेदनातून केली आहे. सदर निवेदन अभियंता  एस.आर. कांबळे, संजू रोटे, चंद्रकांत सावंत यांनी दिले आहे.

या निवेदनात म्हटले आहे की, शहरातील वार्ड क्रमांक १९ मधील झोन-३ हाळलक्ष्मी नगर शहर वस्तीसाठी रस्त्यावरील दिवाबत्तीची सोय करण्यात यावी अशी मागणी केली आहे. तसेच यावेळी मुख्याधिकारी स्वरूप खारगे यांना अभियंता एस.आर. कांबळे यांच्या हस्ते पुष्पगुच्छ देऊन स्वागत करत शुभेच्छा देण्यात आल्या.

निवेदनावर प्रकाश पाटील, कैलास शिंदे, श्री.गोरुले, संजू रोटे, श्री.वंजारी, संजू पोतदार आदींच्या सह्या आहेत.