Breaking Posts

6/trending/recent
Type Here to Get Search Results !

लडाखमधील बस दुर्घटनेत जवान प्रशांत जाधव यांचा मृत्यू ; बसर्गे गावावर पसरली शोककळा



गडहिंग्लज :
लडाखमध्ये भारतीय लष्कराचे वाहन दरीत कोसळून झालेल्या अपघातात 7 जवानांचा दुर्दैवी मृत्यू झाला आहे. या अपघातग्रस्त वाहनात 26 जवान प्रवास करत होते. या अपघातात उर्वरित जवान जखमी झाले असून त्यांच्यावर नजीकच्या रुग्णालयात उपचार सुरू आहेत. दरम्यान या अपघातात गडहिंग्लज तालुक्यातील बसर्गे येथील जवान प्रशांत शिवाजी जाधव (वय 27 ) यांचा मृत्यू झाल्याने बसर्गे गावावर शोककळा पसरली आहे.

वीर जवान प्रशांत जाधव हे 2014 मध्ये बेळगाव येथील 22 मराठा लाईट इन्फंट्री मधून सैन्यदलात दाखल झाले होते.दरम्यान लडाख येथे झालेल्या या बस दुर्घटनेत जवान प्रशांत जाधव यांचा मृत्यू झाल्याने अख्खे गाव शोकाकुल झाले आहे.शनिवार दिनांक 28 रोजी खास विमानाने त्यांचे पार्थिव बेळगाव येथे आणण्यात येणार असून तेथे मानवंदना देण्यात आल्यानंतर बसर्गे या त्यांच्या मूळ गावी त्यांच्यावर अंत्यसंस्कार करण्यात येणार आहेत.

पंतप्रधानांकडून शोक व्यक्त

लडाख मधील दुर्घटनेत सात भारतीय लष्कराच्या जवानांचा मृत्यू झाल्याने पंतप्रधान नरेंद्र मोदी यांनी दुःख व्यक्त केले आहे. आपल्या ट्विटर संदेशात पंतप्रधान नरेंद्र मोदी यांनी म्हटले आहे की, लडाखमध्ये  झालेल्या बस अपघाताच्या घटनेने मी अत्यंत व्यथित झालो असून या अपघातात आपण लष्कराचे शूर जवान गमावले आहेत. शोकाकुल कुटुंबियांच्या दुःखात आपण सहभागी आहोत. या अपघातात जखमी  झालेले जवान लवकर बरे होवोत अशी आपली प्रार्थना आहे.

Post a Comment

0 Comments
* Please Don't Spam Here. All the Comments are Reviewed by Admin.