 |
| गडहिंग्लज : येथील शिवराज महाविद्यालयात शिक्षण महर्षी कर्मवीर भाऊराव पाटील यांच्या प्रतिमेचे पूजन प्रसंगी संस्थेचे सचिव डॉ. अनिल कुराडे, प्राचार्य डॉ. एस. एम. कदम यांच्यासह प्राध्यापक वर्ग. |
गडहिंग्लज (प्रतिनिधी): येथील शिवराज महाविद्यालयात शिक्षण महर्षी कर्मवीर भाऊराव पाटील यांच्या जयंतीनिमित्त अभिवादन करण्यात आले. या कार्यक्रमाच्या अध्यक्षस्थानी प्राचार्य डॉ. एस. एम.कदम होते.
प्रारंभी शिवराज विद्या संकुलाचे सचिव डॉ. अनिल कुराडे यांच्या हस्ते कर्मवीर भाऊराव पाटील यांच्या प्रतिमेचे पूजन करण्यात आले. यावेळी मानसशास्त्र विभाग प्रमुख डॉ. राजेंद्र गुंडे यांनी स्वागत करून प्रास्ताविकातून शिक्षण महर्षी कर्मवीर भाऊराव पाटील यांचे जीवन व त्यांचे कार्य याविषयी मार्गदर्शन केले.
कर्मवीर भाऊराव पाटील यांनी रयत शिक्षण संस्थेच्या माध्यमातून शिक्षणाचे जे रोपटे लावले होते त्याचे आज वटवृक्षात रुपांतर झाले आहे. त्यांनी ग्रामीण शिक्षणाचा पाया मजबूत करण्यासाठी रयत शिक्षणाच्या माध्यमातून बहुजनांना शिक्षणाची संधी उपलब्ध करून दिले आहे. समाजाला न्याय देण्याचे त्यांचे हे त्यागी कार्य सर्वांना प्रेरणा देणारी आहे असे प्रतिपादन शिवराज विद्या संकुलाचे सचिव डॉ. अनिल कुराडे यांनी केले.
या कार्यक्रमास पर्यवेक्षक प्रा. तानाजी चौगुले, ग्रंथपाल संदीप कुराडे यांच्यासह सर्व प्राध्यापक प्रशासकीय सेवक, विद्यार्थी, विद्यार्थिनी उपस्थित होते.
