सिंगल कॉलम पिअरवर महामार्ग उड्डाणपूल आणि मेट्रो रेल्वेसाठी सर्वात लांब डबल डेकर उड्डाणपूलाचे बांधकाम
मुंबई (सौजन्य: पीआयबी): सिंगल कॉलम पिअरवर महामार्ग उड्डाणपूल आणि मेट्रो रेल्वेसाठी सर्वात लांब डबल डेकर व्हायाडक्ट उड्डाणपूलाचे बांधकाम (3.14 किमी) करत नागपुरात विश्वविक्रम करण्यात आला आहे. याबद्दल टीम महाराष्ट्र मेट्रो आणि टीम रस्ते वाहतूक आणि महामार्ग मंत्रालयाचे केंद्रीय रस्ते वाहतूक आणि महामार्ग मंत्री नितीन गडकरी यांनी ट्विटच्या माध्यमातून अभिनंदन केले आहे.
नागपुरातील डबल डेकर उड्डाणपुलावर जास्तीत जास्त मेट्रो स्थानके (3 मेट्रो स्थानके) बांधल्याची नोंद एशिया बुक ऑफ रेकॉर्ड्स आणि इंडिया बुक ऑफ रेकॉर्ड्समध्ये झाली आहे . संपूर्ण देशासाठी हा खरोखरच अभिमानाचा क्षण आहे, असे मंत्री गडकरी यांनी म्हटले आहे.
हा दिवस साकारण्यासाठी रात्रंदिवस मेहनत करणारे अतुलनीय काम करणारे अभियंते, अधिकारी आणि कामगारांचे गडकरी यांनी आभार मानले आहेत. असा विकास म्हणजे नव भारतामध्ये जागतिक दर्जाच्या पायाभूत सुविधा निर्माण करण्याच्या पंतप्रधान नरेंद्र मोदी सरकारने दिलेल्या वचनाची पूर्तता आहे. असे त्यांनी म्हटले आहे.
